ई –पेपर | विज्ञापन | ग्राहक बन्नुहोस | Podcast |
arthik abhiyan
Tvs

पुल भत्किँदा स्थानीयको जोखिमपूर्ण यात्रा

२०७९ भदौ, २९  
मधेश प्रदेश
NA

गोलबजार । सिरहाको भगवानपुर गाउँपालिका–५ लालपुरमा खोलामा आएको बाढीले पुल भत्किँदा स्थानीय बासिन्दा जोखिमपूर्ण यात्रा गर्न बाध्य भएका छन् ।   

भदौको दोस्रो साता आएको लगातारको वर्षाले लालपुर खोलामा पानीको बहाव उच्च हुँदा जीर्ण अवस्थामा रहेको पुल भत्किँदा लालपुर, गरसहा, आभेनगर, चोचारटोल, लालपुर लगायतका बासिन्दालाई गाउँपालिका केन्द्र भगवानपुर बजार आउन जान समस्या भइरहेको छ । पुल भत्केको ठाउँमा बिजुली बाल्ने तीन खम्बाको सहारा लिई जोखिम मोलेर स्थानीयले बाटो वारपार गरिरहेका छन् भने सबभन्दा बढी प्रभावित हनुमानप्रसाद माध्यमिक विद्यालयमा पढ्ने साना बालबालिका र स्थानीय वृद्धवृद्धालाई लच्कने खालको बिजुलीका खम्बामा यात्रा गर्न बढी समस्या भइरहेको छ ।  

भगवानपुर–५ लालपुरका नसिबलाल यादवका अनुसार साउनको शुरूमा नै पुलमा अलि चिरा परेको समयमा गाउँपालिकाले मर्मतमा ध्यान नदिँदा अहिले तीन हजार घरधुरी प्रभावित भएका छन् । पुल भत्किँदा गाउँमा एम्बुलेन्सलगायतका गाडी आउन सकिरहेका छैनन् । अहिले भगवतीपुरको घुमाउरो बाटो यात्रा गर्न बाध्य भएको स्थानीय सरोज कामैतले बताए । वडा नम्बर ५ का वडाध्यक्ष अमरलाल यादवले पुरानो जीर्ण पुल भएकाले पानीको बहाव उच्च भई भत्किएको बताए । गाउँपालिकाको प्रमुख प्रशासकीय अधिकृत शिवेन्द्र मण्डलले अहिलेसम्म पुल भत्केको ठाउँमा मर्मतका विषयमा कुनै छलफल नभएको बताए । तत्कालै मर्मतका लागि गाउँपालिका अध्यक्षसँग छलफल गरेर छिट्टै नै मर्मत  गराइने उनले जानकारी दिए । रासस

Neco insurance Limited
प्रतिक्रिया [0]

   

Nepali PatroRiddhi Siddhi Cement