ई –पेपर | विज्ञापन | ग्राहक बन्नुहोस | Podcast |
arthik abhiyan
TvsBiz Bazar

आकर्षक शैलीमा निर्माण गरिएको बल्कोट पौवा संरक्षणको पर्खाइमा

२०७९ भदौ, २९  
लुम्बिनी प्रदेश
Image Not Found

भदौ २९, अर्घाखाँची । अर्घाखाँचीको बल्कोट पौवामा काठमा विभिन्न आकृतिका चित्र कोरिएका छन् । राणा प्रधानमन्त्री जंगबहादुर राणाको पालामा तत्कालीन कर्नेल सनदसिंह टण्डनको नेतृत्वमा बल्कोट पौवा निर्माण गरिएको बताइन्छ । कालिगढले अत्यन्त आकर्षक शैलीमा निर्माण गरेको पौवाभित्र शिवालय र अन्य मठ मन्दिरसमेत छन् । 

विसं १९०४ मा निर्माण सुरु गरी १० वर्ष लगाएर पौवा तथा मन्दिर निर्माण गरिएको संस्कृतिविद् डा गोविन्द टण्डनले बताए । जंगबहादुर राणाका जेठान सनकसिंह टण्डनले आफ्ना बुबा पर्शुरामको आग्रहमा मन्दिर तथा पौवा निर्माण गरेको इतिहास छ । टण्डन परिवारले निर्माण गरेको सनकसिंह टण्डनकोे शालिक एक कार्यक्रमबीच अनावरण गरिएको छ । 

आकर्षक बल्कोटको पौवा प्रचारप्रसारको अभावमा ओझेलमा परेको छ । अर्घाखाँचीको छत्रदेव गाउँपालिकामा पर्ने ऐतिहासिक पौवामा दिनहुँजसो कार्यक्रम भइरहे पनि यसको संरक्षणमा कसैको ध्यान जान सकेको छैन । आफ्ना पुर्खाको इतिहास रहेको पुण्यभूमिममा शालिक अनावरण गर्न पाउँदा खुशी लागेको नेपाली कांग्रेसका लुम्बिनी प्रदेश सदस्य तथा समाजसेवी डा. जयबहादुर टण्डनले बताए । 

केही वर्ष अघिसम्म मन्दिरको संरक्षण गर्ने, फुलपाती टिप्ने, कोइला लैजाने, लिपपोत गर्ने, दैनिक बिहान–बेलुका बाजा बजाउनेसमेतको व्यवस्था थियो । अहिले दैनिक पूजाआजा भइरहेको र संरक्षण तथा प्रवद्र्धनमा समितिले काम गरिरहको छ । जंगबहादुरको न्वारान भएको स्थानको रूपमा चिनिने यस पौवाको संरक्षणमा सरकारको ध्यान जान जरुरी रहेको पर्शुरामेश्वर मन्दिर तथा बल्कोट पौवा संरक्षण समितिका अध्यक्ष राजेश पन्थीले बताए ।     

कर्नेल सनदसिंहको पालामा बल्कोटको पौवा, मथुराको पौवा, पाल्पा र गुल्मीको सिमानामा रहेको मनवाक पौवा, रिडीको बगैँचा, पाल्पा अर्गलीको बगैँचा, जोर्तको पौवा र गौमुखी धारा निर्माण गरिएका थिए । बल्कोटको पौवा, मन्दिर र गुठी संरक्षण गरी प्रचारप्रसार गर्ने उद्देश्यले २०६६ सालमा डा. गोविन्द टण्डनको नेतृत्वमा पण्डित दिनबन्धु पोखरेलको प्रवचनमा महायज्ञसमेत लगाइएको थियो । -रासस

Neco insurance Limited
प्रतिक्रिया [0]

   

Nepali PatroRiddhi Siddhi Cement