ई –पेपर | विज्ञापन | ग्राहक बन्नुहोस | Podcast |
arthik abhiyan
riddhi siddhiNabil Bank

लिलाम नहुँदा भन्सारमै थन्किए करोडौंका गाडी

२०७९ असोज, ८  
सुदूरपश्चिम प्रदेश
Tvs Raider Image Not Found

कञ्चनपुर । चोरी, तस्करी तथा विभिन्न घटनामा बरामद गरिएका सवारीसाधन चार वर्षयता कञ्चनपुर भन्सार कार्यालय, गड्डाचौकीमा थन्किएका छन् । लिलाम गर्न ढिलाइ हुँदा गाडी भन्सार कार्यालयमै जीर्ण हुँदै गएका छन् । 

विगतमा कोरोना महामारीका कारण लिलाम प्रक्रिया अगाडि बढ्न सकेको थिएन । कञ्चनपुर भन्सार कार्यालयमा करीब ४०० ओटा दुईपाङ्ग्रे र २० ओटा चारपाङ्ग्रे सवारी तथा ढुवानी साधन छन् । 

जिल्लाका विभिन्न क्षेत्रबाट चोरी–पैठारी, भारतीय नम्बरको गाडीमा नेपाली नम्बर राखेका लगायतका सवारीसाधन प्रहरीले नियन्त्रणमा लिएर भन्सार कार्यालयमा बुझाउने गरेको छ ।

भन्सार कार्यालयमा रहेका गाडीमध्ये सबैभन्दा बढी भन्सार प्रक्रिया पूरा नगरेका भारतीय नम्बरका मोटरसाइकल छन् । यस्तै भन्सार शुल्क नतिरी विभिन्न सामान चोरी, पैठारी गरिरहेका अवस्थामा नियन्त्रणमा लिइएका नेपाली गाडी पनि भन्सार कार्यालयको गोदाममा थन्किएका छन् । 

यसअघि २०७५ वैशाख/जेठतिर गरिएको लिलामबाट भन्सार कार्यालयले झण्डै रू. चार करोड राजस्व असुली भएको थियो । 

कञ्चनपुर भन्सार कार्यालयका प्रमुख भन्सार अधिकृत धुव्रराज विश्वकर्मा तिहारपछि गाडी लिलाम हुने बताउँछन् । ‘यातायातको इञ्जिनियरले सबै गाडी हेरिसक्नुभएको छ, त्यसको रिपोर्ट तयार भइरहेको छ,’ उनले भने, ‘रिपोर्ट प्राप्त गरेपछि मूल्यांकन समितिले मूल्य निर्धारण गरेर लिलामको सूचना निकाल्ने तयारी छ ।’

विगतमा कोरोनालगायत विभिन्न कारणले गाडी लिलाम गर्नमा ढिलाइ भए पनि अब भने त्यस्तो नहुने उनको दाबी छ । ‘कर्मचारी अपुग भएकाले लिलामका लागि ०७८ माघमा विभागबाट कर्मचारी थप तथा काजमा मागेका थियौं, त्यसपछि गाडीको चेसिज, इन्जिन हेरेका थियौं,’ भन्सार अधिकृत विश्वकर्माले भने, ‘लिलाममा ढिलाइ हुँदा गाडीको मूल्य घट्ने हुनाले त्यसो नहोस् भनेर आर्थिक वर्ष २०७८/७९ मा सक्ने चाहना थियो ।  तर, प्राविधिक कारणले गर्न सकेनौं, अब यसमा एक/दुई महिनाभन्दा बढी लाग्दैन ।’ रासस

Neco insurance LimitedAarthik Abhiyan Viber Community
प्रतिक्रिया [0]

   

TVCNepali Patro