ई –पेपर | विज्ञापन | ग्राहक बन्नुहोस | Podcast |
arthik abhiyan
riddhi siddhiNabil Bank

गठबन्धन प्रभाव : प्रदेश -१ का पूर्वमुख्यमन्त्री शेरधन राई पराजित, बहालवाला मुख्यमन्त्री विजयी

२०७९ मंसिर, ९  
समाचार निर्वाचन विशेष
Tvs Raider Image Not Found

काठमाडौं । भोजपुरमा प्रदेश नं १ का पूर्वमुख्यमन्त्री शेरधन राईलाई पराजित गर्दै सत्ता गठबन्धनबाट नेकपा (माओवादी केन्द्र) का सुदन किराँती प्रतिनिधिसभा सदस्यमा विजयी भएका छन् । किराँतीले राईलाई २३८५ मतान्तरले पराजित गर्दै तेस्रो पटक सांसदमा विजयी भएका छन् ।

उनले २८ हजार ५७८ मत ल्याउँदा एमालेका राईले २६ हजार १९३ मत ल्याएको मुख्य निर्वाचन अधिकृतको कार्यालयले जनाएको छ ।  

यस क्षेत्रमा कूल १ लाख २३ हजार ३७९ मतदाता रहेकामा ६१ हजार ८३० जनाले मतदान गरेका थिए ।३ हजार १६८ मत बदर भएका थिए ।

पूर्व मुख्यमन्त्री पराजित, बहालवाला विजयी

भोजपुरमा प्रदेशसभा (१) मा एकीकृत समाजवादी पार्टीका उम्मेदवार एवं प्रदेश नं १ का मुख्यमन्त्री राजेन्द्रकुमार राई विजयी भएका छन् । उनले १६ हजार ११० मत ल्याउँदा उनका निकटतम प्रतिस्पर्धी एमालेका हरिबहादुर राईले १२ हजार २२३ मत ल्याए ।

यस्तै प्रदेशसभा (२) मा नेपाली कांग्रेसका जिल्ला सभापति विनोद वान्तवा १३ हजार ५७९ मत ल्याउँदै विजयी भए । उनका प्रतिस्पर्धी एमालेका खड्गबहादुर कार्कीले १२ हजार आठ सय ३८ मत ल्याएको मुख्य निर्वाचन अधिकृतको कार्यालयले जनाएको छ ।

Neco insurance LimitedAarthik Abhiyan Viber Community
प्रतिक्रिया [0]

   

TVCNepali Patro