ई –पेपर | विज्ञापन | ग्राहक बन्नुहोस | Podcast |
arthik abhiyan
riddhi siddhiNabil Bank

टेन ह्यागसँगको टकरावपछि क्लब गुमाएका रोनाल्डो २० करोड यूरोमा जालान् त अल–नासर ?

२०७९ मंसिर, १५  
खेल विविध अन्तरराष्ट्रिय
Tvs Raider Image Not Found

म्यान्चेष्टर युनाइटेड (म्यान यू)सँगको सम्झौता रद्द भएयता क्लबबिहिन बनेका पोर्चुगलका स्टार खेलाडी क्रिष्टियानो रोनाल्डोलाई साउदी अरबको फुटबल क्लब अल नासरले क्लबमा आउन प्रस्ताव गरेको छ । हरेक सिजनका लागि तलब र विज्ञापन सम्झौताहरु समेत गरेर क्लबले रोनाल्डोलाई २० करोड यूरो दिने प्रस्ताव गरेको छ ।

रोनाल्डो सम्झौतामा हस्ताक्षरको निकट भएको भन्दै एक हप्ता अगाडि नै मार्काले समाचार प्रकाशित गरेको थियो । यो सम्झौता साढे २ ओटा सिजनका लागि भएको बताइएको छ । म्यान यूका व्यवस्थापक र कोचहरुसँगको द्वन्द्वपछि उनले हालै मात्र क्बलसँगको सम्भौता रद्द गरेका थिए ।

क्लबका व्यवस्थापक टेन ह्यागसँगको टकरावपछि उनले क्लब गुमाउनु परेको थियो ।  पछिल्लो समय साउदी अरबको फुटबल फक्रिँदैछ । यहाँका नेताहरुले घरेलु फुटबल प्रतिस्पर्धा रिलञ्च गर्न खोजिरहेका छन् । रोनाल्डो साउदी अरबको क्लबमा आए भने यसले अन्तरराष्ट्रिय सञ्चार माध्यममा समेत प्रतियोगितालाई राम्रो कभरेज दिनेछ ।

गएको गर्मी याममा पनि साउदी क्लबले रोनाल्डोसमक्ष प्रस्ताव लिएर गएका थिए । रोनाल्डो म्यान यूमा अनुबन्धित भएकोले करारको कुरा अगाडि बढ्न सकेन । तर अहिले भने अल नासरको बाटोमा कुनै कानूनी अवरोध छैन । रोनाल्डोको वकिलहरुको टोलीले प्रस्तावको अध्ययन गरिरहेको अनि विश्वकप सकिएपछि यसको निर्णय हुने बताइएको छ । एजेन्सी

Neco insurance LimitedAarthik Abhiyan Viber Community

थप समाचार

प्रतिक्रिया [0]

   

TVCNepali Patro