फर्स्ट माइक्रोफाइनान्स लघुवित्तद्वारा लाभांश घोषणा, बाेनस शेयर कति ?

अभियान संवाददाता

काठमाडौं । फर्स्ट माइक्रोफाइनान्स लघुवित्त वित्तीय संस्थाले आर्थिक वर्ष (आव) २०७८/७९ सम्मको सञ्चित मुनाफाबाट शेयरधनीलाई लाभांश वितरण गर्ने प्रस्ताव गरेको छ ।

कम्पनीले हाल कायम चुक्ता पूँजीको १९ प्रतिशत बोनस शेयर र १ प्रतिशत नगद लाभांश कर प्रयोजनको लागि वितरण गर्ने प्रस्ताव गरेको हो । नेपाल राष्ट्र बैंकबाट स्वीकृति पाएपछि र कम्पनीको आगामी साधारण सभाबाट उक्त प्रस्ताव पारित भएपछि शेयरधनीले बाेनस शेयर र नगद लाभांश पाउनेछन् ।

कम्पनीको मंसिर १५ गते बसेको सञ्चालक समितिको बैठकले उक्त लाभांश वितरण गर्ने प्रस्ताव गरेको हो । कम्पनीले अघिल्लो आवकाे नाफाबाट शेयरधनीलाई गत आवमा १० प्रतिशत बोनस शेयर र शून्य दशमलव ५३ प्रतिशत नगद लाभांश कर प्रयोजनको लागि वितरण गरेको थियो । यसरी हेर्दा कम्पनीको लाभांश गत आवभन्दा यस आवमा बढेको छ । 

प्रतिक्रिया [0]