ई –पेपर | विज्ञापन | ग्राहक बन्नुहोस | Podcast |
arthik abhiyan
riddhi siddhi

पोखराबाट ल्याइएका ४८ शव परीक्षण गरिँदै

२०७९ माघ, ४  
समाचार
Tvs Raider Image Not Found
पोखरामा भएको यती एयरलाइन्सको विमान दुर्घटनामा परी ज्यान गुमाएका व्यक्तिको शव शववाहनबाट निकालिँदै । ती शव परीक्षणका लागि पोखराबाट काठमाडौं, महाराजगन्जस्थित त्रिवि शिक्षण अस्पताल ल्याइएको हो । तस्वीर : सुनिल शर्मा/आर्थिक अभियान
author avatar अभियान संवाददाता

काठमाडौं । यही माघ १ गते काठमाडौंबाट पोखरातर्फ उडेको यती एयरलाइन्सको नाइन एन–एएनसी–एटीआर–७२–५०० विमान दुर्घटनामा परेर मृत्यु भएकामध्ये ४८ जनाको शव काठमाडौं ल्याएर परीक्षण गर्न थालिएको छ ।

नेपाली सेनाको दुई हेलिकोप्टरमार्फत मंगलवार दिउँसो काठमाडौं ल्याइएका शव त्रिभुवन विश्वविद्यालय शिक्षण अस्पताल, महाराजगञ्जमा परीक्षण गर्न थालिएको यती एयरलाइन्सले जनाएको छ ।

मृतकका परिवार र आफन्तजनलाई ‘काउन्सिलिङ’ गर्ने काम मंगलवार सकिएपछि आज बिहानैदेखि शव परीक्षण शुरु गरिएको सो अस्पतालले जनाएको छ । कतिपयको शव पहिचानसमेत हुन नसकेकाले डिएनएका आधारमा पहिचान गरेर परीक्षणपश्चात एकैपटक मृतकका परिवार तथा आफन्तलाई हस्तान्तरण गरिने बताइएको छ ।

चालकदलका सदस्यसहित ७२ जना सवार उक्त विमान दुर्घटनामा परेका ७१ जनाको शव भेटिएको छ र बाँकी एक व्यक्ति अझै बेपत्ता रहेकाले खोजी जारी रहेको यती एयरलाइन्सले जनाएको छ । रासस

Neco insurance LimitedAarthik Abhiyan Viber Community
प्रतिक्रिया [0]

   

TVCNepali Patro