ई –पेपर | विज्ञापन | ग्राहक बन्नुहोस | Podcast |
arthik abhiyan
riddhi siddhi

नारायणी डेभलपमेन्ट बैंकको नोक्सानी बढ्यो

२०७९ माघ, ६  
लगानी
Tvs Raider Image Not Found
author avatar अभियान संवाददाता

काठमाडौं । नारायणी डेभलपमेन्ट बैंक लिमिटेडले चालू आवको दोस्रो त्रैमासिक वित्तीय विवरण सार्वजनिक गरेको छ ।

उक्त वित्तीय विवरण अनुसार कम्पनीको नोक्सानी गत आवको दोस्रो त्रैमासको तुलनामा चालू आवको सोही अवधिमा वृद्धि भएको छ । गत आवको दोस्रो त्रैमाससम्ममा कम्पनीले रू.५९ लाख ९८ हजार नोक्सानी ब्यहोरेकोमा चालू आवको सोही अवधिमा बढेर रू. १ करोड ६६ लाख पुगेको हो ।

चालू आवमा कम्पनीको अन्य सञ्चालन खर्च बढेकाले र  सञ्चालन नाफा ऋणाात्मक भएकाले नोक्सानी बढेको हो । गत आवको तुलनामा चालू आवमा कम्पनीको अन्य सञ्चालन खर्च ८८ प्रतिशत वृद्धि भएको छ । गत आवमा कम्पनीको अन्य सञ्चालन खर्च रू. ५२ लाख ३७ हजार रहेकोमा चालू आवमा बढेर रू. ९८ लाख ९७ हजार पुगेको छ । त्यस्तै कम्पनीको सञ्चालन नाफा गत आवमा रू. ५९ लाख ९८ हजार ऋणात्मक रहेकोमा चालू आवमा बढेर रू.१ करोड ६६ लाख पुगेको छ । 

कम्पनीको चुक्ता पूँजी रू. २६ करोड २४ लाख रहेको छ भने चालू आवको दोस्रो त्रैमाससम्ममा कम्पनीले जगेडामा रू. ११ करोड ७९ लाख र शेयर प्रिमियममा रू.१ करोड १ लाख सञ्चित गरेको छ । त्यसैगरी रिटेन्ड अर्निङ भने रू. २५ करोड ८ लाख ऋणात्मक रहेको छ । कम्पनीको मूल्य आम्दानी अनुपात रू. ८५ दशमलव ७१,तरलता अनुपात ३१ द्यशलमव ९० प्रतिशत र प्रतिशेयर नेटवर्थ रू. ५३ दशलमव २३ रहेको छ । 
 

Neco insurance LimitedAarthik Abhiyan Viber Community
प्रतिक्रिया [0]

   

TVCNepali Patro