ई –पेपर | विज्ञापन | ग्राहक बन्नुहोस | Podcast |
arthik abhiyan
riddhi siddhi

इम्पेरमेन्ट चार्ज बढ्दा प्रोग्रेसिभ फाइनान्स नोक्सानीमा

२०७९ माघ, ९  
लगानी
Tvs Raider Image Not Found
author avatar अभियान संवाददाता

काठमाडौं । चालू आर्थिक वर्षको दोस्रो त्रैमाससम्म प्रोग्रेसिभ फाइनान्स लिमिटेड १ करोड ३० लाखभन्दा बढी खुद नोक्सानीमा गएको छ ।

गत वर्षको यस अवधिसम्म रू. २ करोड ४१ लाखभन्दा बढी खुद नाफा गरेको कम्पनी यस वर्ष इम्पेरमेन्ट चार्ज बढ्दा नोक्सानीमा गएको हो । गत वर्ष रू. २६ लाखभन्दा बढी रहेको इम्पेरमेन्ट चार्ज यस वर्ष रू. ४ करोड ३० लाखभन्दा बढी पुगेको छ ।

चालू आर्थिक वर्षको दोस्रो त्रैमाससम्म कम्पनीको वितरणयोग्य नाफा रू. २ करोड ५४ लाखभन्दा बढी ऋणात्मक रहेको छ । चुक्तापूँजी रू. ८४ करोड ८१ लाख ६ हजार रहेको कम्पनीको जगेडा कोष रकम रू. ८ करोड ६८ लाखभन्दा बढी रहेको छ । 

दोस्रो त्रैमाससम्म रू. ४ अर्ब ६६ करोड ८७ लाखभन्दा बढी निक्षेप संकलन गरेको कम्पनीले रू. ३ अर्ब ६९ करोडभन्दा बढी कर्जा प्रवाह गरेको छ ।

गत वर्ष ३ दशमलव ६४ प्रतिशत रहेको कम्पनीको निष्क्रिय कर्जा यस वर्ष बढेर ४ दशमलव ९१ प्रतिशत पुगेको छ । कम्पनीको प्रतिशेयर नेटवर्थ रू. १०८ दशमलव ७८ रहेको छ ।

Neco insurance LimitedAarthik Abhiyan Viber Community
प्रतिक्रिया [0]

   

TVCNepali Patro