ई –पेपर | विज्ञापन | ग्राहक बन्नुहोस | Podcast |
arthik abhiyan
riddhi siddhi

९० प्रतिशतले इम्पेरमेन्ट चार्ज बढ्दा जानकी फाइनान्सको नाफा ५९ प्रतिशत घट्यो 

२०७९ माघ, १०  
लगानी
Tvs Raider Image Not Found
author avatar अभियान संवाददाता

काठमाडौं । जानकी फाइनान्स कम्पनी लिमिटेडले चालू आर्थिक वर्षको दोस्रो त्रैमाससम्म गत वर्षको सोही अवधिको तुलनामा ५९ प्रतिशत कम खुद नाफा गरेको छ । 

गत वर्षको दोस्रो त्रैमाससम्म रू. ३ करोड ५५ लाखभन्दा बढी खुद नाफा गरेको कम्पनीले यस वर्ष रू. १ करोड ४५ लाखभन्दा बढी मात्र यो नाफा गरेको हो । यस वर्ष कम्पनीको इम्पेरमेन्ट चार्ज ९० प्रतिशतले बढेकाले सञ्चालन नाफा करीब ५८ प्रतिशत कम भई खुद नाफा घट्न पुगेको हो । 

गत वर्ष रू. ४ करोड २७ लाखभन्दा बढी सञ्चालन नाफा गरेको कम्पनीले यस वर्ष रू. १ करोड ७९ लाखभन्दा बढी मात्र यस्तो नाफा गरेको छ । गत वर्ष रू. ३ करोड ३२ लाखभन्दा बढी रहेको इम्पेरमेन्ट चार्ज यस वर्ष रू. ६ करोड ३१ लाखभन्दा बढी रहेको छ ।

१५ प्रतिशत बोनस शेयरमार्फत पूँजी बढाएर रू. ६९ करोड ४ लाख ७२ हजार पुर्‍याएको कम्पनीको रिटेन्ड अर्निङ रू. ४ करोड ९७ लाखभन्दा बढी रहेको छ । कम्पनीको जगेडा कोष रकम पनि रू. २० करोड ५१ लाखभन्दा बढी छ । 

दोस्रो त्रैमाससम्ममा रू. ३ अर्ब ३६ करोडभन्दा बढी निक्षेप संकलन गरेको कम्पनीले रू. २ अर्ब ८३ करोडभन्दा बढी कर्जा प्रवाह गरेको छ । गत वर्ष ५ दशमलव ३१ प्रतिशत रहेको निष्क्रिय कर्जा अनुपात यस वर्ष बढेर ११ दशमलव १८ प्रतिशत पुगेको छ । दोस्रो त्रैमाससम्म प्रतिशेयर आम्दानी रू. ५ दशमलव शून्य ७ रहेको कम्पनीको प्रतिशेयर नेटवर्थ रू. १३६ दशमलव ९२ रहेको छ ।

Neco insurance LimitedAarthik Abhiyan Viber Community
प्रतिक्रिया [0]

   

TVCNepali Patro