काठमाडौं । सुपरमाई हाइड्रोपावर लिमिटेडले आफ्ना शेयरधनीको बैंक खातामा नगद लाभांश जम्मा गर्न शुरु गरेको छ ।
मंसिर २८ गते साधारण सभा सम्पन्न गरेको यस कम्पनीले मंसिर १६ गतेसम्म डिम्याट खातामा बैंक खाता अद्यावधिक गराएका शेयरधनीको बैंक खातामा नगद लाभांश पठाउन शुरु गरेको हो ।
कम्पनीले कनेक्ट आइपीएसमार्फत शेयरधनीहरूको हितग्राही खातामा उल्लेख भएको बैंक खातामा ५ दशमलव ६३१ प्रतिशत नगद लाभांश (करसहित) जम्मा गरेको जनाएको छ ।
साथै कम्पनीले हालसम्म पनि डिम्याट खाता र बैंक खाता अपडेट नगरेका शेयरधनीलाई तुरुन्त अपडेट गर्न पनि आग्रह गरेको छ । त्यसपछि मात्र खातामा नगद लाभांश आउनेछ ।
कम्पनीको साधारण सभाले गत वर्षको नाफाबाट ७ प्रतिशत बोनस शेयर र ५ दशमलव ६३१ प्रतिशत नगद लाभांश वितरण गर्ने प्रस्ताव पारित गरेको थियो । कम्पनीको शेयर रजिष्ट्रार आरविवि मर्चेन्ट बैंकिङ्ग लिमिटेड रहेको छ ।
